Sot me fillim nga ora 20:00 do të zhvillohet ndeshja tjetër interesante e Grupit G e Kampionatit Botëror “Katar 2022”, ku do të përballen Kameruni dhe Kombëtarja e Brazilit.
Në xhiron e fundit të zhvilluar, Brazili e mposhti Zvicrën me rezultat minimal 1:0, kurse Kameruni barazoi 3:3 me Serbinë.
Brazili synon vetëm fitoren sot kundër Kamerunit, në mënyrë që të vazhdojë në fazën e eliminatoreve me një bilanc të 100% të fitoreve.
Momentalisht, Brazili zë vendin e parë në Grupin G me gjashtë pikë të arkëtuara, pesë sosh më shumë se kundërshtari i sotëm, Kameruni që renditet në vendin e tretë me një pikë.
Takimi i fundit mes këtyre dy kombëtareve daton në muajin nëntor të vitit 2018, ku asokohe Brazili regjistroi fitore me rezultat minimal 1:0.
Sa i përket ndeshjes së sotme, mungesa të lojtarëve do të ketë te Brazili, ku nuk do të paraqiten për shkak të lëndimeve Alex Sandro, Danilo dhe Neymar.
Formacionet e mundshme i gjeni më poshtë.
Kameruni (4-3-3): Epassy; Fai, Castelletto, Nkoulou, Tolo; Hongla, Anguissa, Kunde; Aboubakar, Choupo-Moting, Toko Ekambi
Brazili (4-3-3): Alisson; Militao, Marquinhos, Silva, Telles; Casemiro, Guimaraes, Paqueta; Antony, Jesus, Vinicius Jr