Federata e Futbollit e Kosovës ka dalë me njoftim zyrtar rreth vdekjes së futbollistit 16-vjeçar të Trepçës 89.
Në njoftimin e FFK-së bëhet e ditur se futbollisti që ka vdekur sot është, Erion Kajtazi.
Sipas FFK-së, Kajtazi ka rënë pa vetëdije në fushë. “Stafet mjekësore të të dyja klubeve kanë intervenuar me shpejtësi për t’i ofruar ndihmë dhe më pas me urgjencë e kanë dërguar në Spitalin Rajonal në Prizren. Megjithatë, përkundër përpjekjeve maksimale të mjekëve, Erioni nuk ka dhënë shenja jete dhe është konstatuar vdekja e tij nga ataku kardiak”, thuhet në njoftimin e FFK-së.
Federata e Futbollit e Kosovës i shpreh ngushëllimet më të sinqerta Familjes Kajtazi, FC “Trepça’89” dhe tërë komunitetit të futbollit për vdekjen e parakohshme të Erionit.