Federata e Futbollit e Portugalisë ka demantuar lajmet se sulmuesi, Cristiano Ronaldo kishte kërcënuar të largohej nga kampi i Portugalisë në Kupën e Botës.
Mediet portugeze kishin raportuar sot se Ronaldo kishte kërcënuar me largim nga Katari, pasi ai kishte kuptuar se nuk do të ishte titullar në ndeshjen ndaj Zvicrës.
Mirëpo një pretendim të tillë e ka hedhur poshtë Federata e Futbollit e Portugalisë.
“Raportet që pretendojnë se Cristiano Ronaldo kërcënoi të largohej nga kombëtarja gjatë një bisede me Fernando Santos nuk janë të vërteta – FPF sqaron se në asnjë moment Cristiano nuk kërcënoi të largohej nga kombëtarja në Katar”, thuhet në reagimin e federatës.
Federata i kishte dalë në krah Ronaldos edhe pas frustrimit të tij në ndeshjen ndaj Koresë së Jugut, ku ai ishte i nevrikosur me zëvendësimin e tij, mirëpo sipas federatës ai kishte fyer një futbollist korean.
Ronaldo ishte lënë në stol në ndeshjen e 1/8 së finales së Kupës së Botës, kundër Zvicrës, ku zëvendësuesi i tij kishte shënuar tri gola.