Deputeti i PDK-së, Hisen Berisha, ia ka parashtruar disa pyetje ministres së Drejtësisë, Albulena Haxhiu, e cila të enjten njoftoi se janë zhdukur provat e Astrit Deharit në Institutin e Mjekësisë Ligjore në Prishtinë.
“Pse i zhdukët mostrat e Astrit Deharit nga Laboratori i Toksikologjisë në kuadër të Institutit të Mjekësisë Ligjore?! Zonja ministre! Prapa këtij veprimit tuaj, a është qëllimi ta fshehni krimin terrorist mbi instuticionet e Kosovës? Kur i emëruat rrugët në Prishtinë me emërtimin “Vllëzerit Dehari” më pati shkuar mendja se, cili ishte kontributi i Arbnorit e Astritit?”, ishin pyetjet e Berishës drejtuar të pares së MD-së, pasi u kumtua lajmin për zhdukjen e provave në IML ndaj ish-aktivistit të LVV-së.
Ai tha se “nëse flasim për Arbnorin, pyes, se mos ai ka mundur të jetë ‘sinjalizues’ dhe nga presioni është shtyrë në vetëvrasje nga ata për të cilët punonte dhe a është versuar mënyra e vdekjes dhe faktorët që e shtyn?”.
Mes tjerash, ligjvënësi i pushtetit u shpreh se lidhur me Astrit Deharin ka nevojë të dihet, “nëse u zbulua që u vra nga pushteti për aktivizëm politik dhe u vertetua me vendim gjyqësor të formës së prerë apo ka një të vërtetë ligjore tjetër, meqë ekspertizat vendore as ndërkombëtare nuk po e mbështesin vendimmarrjen gjyqësore”.
Berisha deklaroi se në këtë rast nuk ka as zbulim të së vërtetës.
“Prandaj, pyes a e bletë heshtjen e familjes duke tentuar ti fusni në histori vllezërit Dehari? Ministre, ju jeni në pushtet që tri vite! Ju administroni me të gjitha instuticionet! A mos është dashur që në këtë konferencë për shtyp, të japnit dorëheqje e jo të akuzonit të tjeret?”, përfundoi ligjvënësi i pushtetit në Facebook.