Ministrja e Drejtësisë, Albulena Haxhiu ka thënë se të mërkurën në mbrëmje janë zhdukur mostrat e Astrit Deharit nga Laboratori i Toksikologjisë.
Por ministrja, Haxhiu në shtator 2021 e kishte shkarkuar Arsim Gërgjaliun, nga pozita e Drejtorit të Mjeksisë Ligjore.
Në krye të Mjekësisë Ligjore që funksion si departament në Ministrinë e Drejtësisë, Albulena Haxhiu e kishte emëruar, Flutura Goga- Bajramin.
Ministrja Haxhiu pretendon se janë vetëm tre persona të cilët kanë qasje në laboratorin që u zhdukën provat.
Ajo tha se ajo i di emrat por që nuk dëshiron t’i thotë.
Haxhiu ka thënë se kjo situatë e rëndë vë hije dyshimi mbi të gjithë Institutin e Mjekësisë Ligjore. Dhe nëse ndiqet protokolli, ajo ka thënë se do të jetë e thjeshtë që të gjenden përgjegjësit.
Sipas Haxhiut, ajo është njoftuar mbrëmë dhe më pas ka njoftuar kryeprokurorin e shtetit dhe ushtruesin e detyrës së Policisë së Kosovës.
Prokuroria Speciale ka njoftuar poashtu se kanë nisur hetimet lidhur me pretendimet e ministres së Drejtësisë, Albulena Haxhiut.
Ndërkohë Policia e Kosovës tashmë ka shkuar në objektin e Institutit të Mjekësisë Ligjore në Prishtinë.