Sulmuesi i kombëtares shqiptare, Armando Broja ka pësuar një lëndim të rëndë në miqësoren ndaj Aston Villas, që pritet ta mbaj atë për një kohë të gjatë larg fushave.
Broja pati nevojë për ndërhyrjen e mjekëve dhe la fushën i shoqëruar nga barrela me një dhimbje të madhe.
Së fundmi, është bërë e ditur edhe diagnoza e 21-vjeçarit teksa bëhet fjalë për një këputje të ligamentit të mbrapëm në gjurin e djathtë.
Ai pritet të mbetet jashtë fushave për një periudhë më së paku 6 mujore.
Në këtë sezon me Chelsean, Broja ka regjistruar 12 ndeshje në Premier League ndërsa ka shënuar në sfidën ndaj Wolverhampton në Stamford Bridge.