Drejtori i Qendrës Shëndetësore në Mitrovicën e Veriut, Zllatan Ellek ka thënë se në spitalin e Mitrovicës është pranuar një banor serb me lëndime të rënda shëndetësore.
Sipas Ellek, pacienti i lënduar nga protestat kundër aksionit të Policisë së Kosovës në veri është qëlluar me armë zjarri në zonën e krahrorit.
“Lëndimi është shkaktuar nga një armë zjarri, ai është qëllua në zonën e kraharorit. Ne po përgatitemi ta dërgojmë atë në sallën e operacionit për t’i hequr plumbin. Ai është në kujdes intensiv dhe është në gjendje të rëndë”, tha kirurgu Ellek për portalin serb Kosovo-Online, drejtor i Qendrës Shëndetësore të Mitrovicës së Veriut.