Pjesa më e madhe e festës së Argjentinës u përqendrua rreth festimeve të Emiliano Martinez. Portieri i Aston Villa e talli Mbappen gjatë gjithë kohës. Martinez ndërpriste festimet në dhomën e zhveshjes për të mbajtur një moment heshtje për Mbappe, kurse gjatë paradës së autobusëve të hapur, ai u pa duke përqafuar një fëmijë me fytyrën e Mbappe.
Mbappe u kthye në Paris Saint-Germain vetëm tre ditë më vonë, dhe duke folur pas fitores 2-1 ndaj Strasburgut, ai zbuloi fillimisht atë që i kishte thënë shokut të skuadrës Lionel Messi pas finales.
“Kam folur me Messin pas ndeshjes, e përgëzova. Ishte e rëndësishme për të, edhe për mua, por unë humba dhe duhet të tregosh pjekuri për të uruar [skuadrën tjetër]”.
TyC Sports mbuloi citimet e tij dhe nuk ishte çudi që ‘Dibu’ Martinez ishte tema e radhës. Mbappe nuk pranoi të shqetësohej nga kjo megjithatë.
“Festimet nuk janë problemi im. Unë nuk shpenzoj energji për gjëra të tilla të parëndësishme. Gjëja më e rëndësishme për mua është të jap më të mirën për klubin tim”.
Testi i vërtetë i fjalëve të Mbappe do të jetë mënyra se si ai reagon nëse Les Bleus do të ndeshet sërish kundër Argjentinës dhe Martinezit në të ardhmen e afërt. Bazuar në finale, do të ishte një revansh i shijshëm.