Interesim i madh është shfaqur në Mitrovicë për ta ndjekur nga afër kryendeshjen e javës në elitën e basketbollit kosovar mes Trepçës dhe Prishtinës.
Në kuadër të xhiros së 18-të, Trepça do të pres sot në palestrën “Minatori” ekipin e Prishtinës.
Klubi mitrovicas kishte paralajmëruar se biletat për ndeshjen e sotme do të dilnin në shitje me fillim nga ora 11:00, por dy orë para orës së caktuar janë krijuar tollovi të mëdha për të siguruar një biletë.
Deri në xhiron e 18-të, mitrovicasit kanë nëntë fitore e tetë humbje, kurse prishtinasit kanë 12 fitore e pesë humbje. Në dy ndeshjet e Superligës, dy skuadrat kanë nga një fitore ndaj njëra-tjetrës.
Dueli mes Trepçës dhe Prishtinës do të zhvillohet sot me fillim nga ora 17:00.