Të fundit

Del varianti i ri “më i tmerrshëm” i COVID-19, reagon OBSh

Një variant i ri i Covid 19, edhe më infektues se të gjithë të tjerët është shfaqur së fundi. Ai vjen nga Afrika e Jugut, ku po përhapet me një shpejtësi të frikshme sipas autoriteteve të shëndetësisë.

Konsiderohet se ky variant ka pësuar numrin më të madh të mutacioneve nga të gjitha të tjerat. Këto janë ditët e para të identifikimit të tij.

Mbretëria e Bashkuar menjëherë ndaloi udhëtimet në 6 shtete afrikane, megjithatë frika është se virusi do të vazhdojë përhapjen. Organizata Botërore e Shëndetësisë tha se është duke e monitoruar këtë variant dhe për këtë arsye do të mbajë një takim urgjent për të diskutuar se çfarë nënkupton kjo situatë për pandeminë dhe vaksinat.

“Jemi të shqetësuar për shkak të mutacioneve dhe ndikimit që mund të ketë ai”, deklaroi zyrtarja e saj, Maria Van Kerkhove, zyrtare e OBSH-së.

Varianti i quajtur për momentin B.1.1.529, ka mundësi që të marrë emër grek – si variantet Alfa dhe Delta – nga Organizata Botërore e Shëndetësisë. OBSH thotë sakaq se është shumë vonë për të parandaluar një valë të re të sëmundjes në Europë.

Parashikimet e zymta të saj janë që deri në mars, 700 mijë vetë të humbin jetën në kontinentin e vjetër. Më shumë se 1.5 milionë jete njerëzish ka marrë deri ani koronavirusi në Europë, e sipas OBSH-së, gjatë muauve të dimrit, kjo shifër mund të shkojë në 2.2 milionë teksa terapitë intensive nëpër spitale do të mbushen plot në të paktën 49 shtete të rajonit.

Video nga Paradoks

"E di përdorimin e shpatave": Jo veç Tai Chi e Përparim Ramës, Ramush Haradinaj flet për arte të tjera marciale që ai i di - "Yoseikan Budo, Viet Vo Dao"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci