Shkruan: Afrim Haliti
Nuk ka aspak kuptim që shuma e tatimit të llogaritet vetëm në raport me çmimin e pretenduar të pronës në treg.
Përllogaritja është formulë paksa më komplekse dhe do duhej të përmbante edhe vlerën e shërbimeve që i kthehet qytetarit.
Një krahasim sa për ilustrim: Vlera mesatare e një prone në Mbretërinë e Bashkuar është £296.000. Shuma mesatare e tatimit në pronë është £1493 në vit, mirëpo pas rabatit prej £150 ajo shumë bie në £1343 në vit. Ndërkaq rroga mesatare është £38.131 në vit.
Dmth shuma mesatare e tatimit në pronë arrinë 0.45% të vlerës mesatare të një prone, dhe 3.52% të rrogës mesatare.
Po të ishte në Kosovë raporti i njejtë i përqindjeve, atëherë çmimi i ri i tatimit në pronë prej €571 do duhej të nënkuptonte një rrogë mesatare prej €16.221 në vit apo €1352 në muaj fatkeqësisht edhe duke e shpërfillë faktin që shumica e familjeve nuk kanë asnjë apo vetëm një të punësuar! Sa është rroga mesatare në Kosovë dhe cilat janë shërbimet që arsyetohen me këtë shumë?