Shpesh herë ndodh që të frenojmë veten për të mos konsumuar pije me gaz, të cilat i preferojmë shumë.
E dimë që nuk janë të shëndetshme, por pse? Çfarë ndodh me organizmin tonë pasi konsumojmë Coca Cola?
Në momentin që konsumoni pije të gazuara ndjeni vetëm një fryerje dhe kaq, por ajo çfarë ndodh në të vërtetë është se nivelet e sheqerit rriten 20 minuta pasi kemi konsumuar Coca Cola. Në trup ndodh një “shpërthim” insuline dhe mëlçia e kthen të gjithën në dhjam.
Më pas, pasi kanë kaluar 40 minuta që nga futja e Coca Cola-n në trup, ai e ka përthithur të gjithë kafeinën duke bërë që presioni i gjakut të rritet, kështu bebet e syrit zmadhohen. Prandaj nëse vini re një ndryshim tek sytë pasi konsumoni pije me gaz e Coca Cola-n, s’është asgjë tjetër përveçse efekti i tyre.
Pas 45 minutash që Coca Cola ka hyrë në organizëm, rritet niveli i dopaminës, e cila është përgjegjëse për ndjesinë e kënaqësisë. Shpesh herë efekti i Cola-s është krahasuar me atë të heroinës…
Mos harroni që e gjitha fillon gradualisht dhe të parët që dëmtohen janë dhëmbët, kjo prej përmbajtjes që ka Cola, acid fosforik dhe e gërryen smaltin e dhëmbëve.
Kujtojmë se një kanaçe me lëng të gazuar, në këtë rast Coca Cola përmban rreth 10 lugë çaji sheqer, por e rekomanduar është që një individ duhet të konsumojë deri në 6 lugë çaji sheqer në ditë.