Aktori Vedat Bajrami nga dy klinika në Prishtinë po përdoret si imazh se i ka mbjellë flokët.
Klinika “Ozone Hair Klinik” dhe “Klinika Advanced” në Prishtinë, kanë shpërndarë në profilin e tyre në Facebook se aktori Bajrami i ka mbjellë flokët te ta.
“Vedat Bajrami na jep një arsye e fortë pse duhet të bëni Mbjelljen e Flokëve. Klinika Advanced. Mbjellje Floku me metodat më të avancuara”, thuhet në postimin e klinikës “Advances”.
Poashtu edhe klinika “Ozone Hair Clinic” ka shkruar se Vedati i ka mbjellë flokët te ta.
Por, të kontaktuar nga Paparaci asnjëra nga klinikat nuk kanë treguar nëse Vedat Bajrami i ka mbjellë flokët në të vërtetë apo përdoret si imazh reklame.
Vedat Bajrami ka një karrierë të gjatë si aktor i humorit dhe së fundi në janar i është bashkuar formatit televiziv “Big Brother VIP Kosova”.
Ai tashmë është në mesin e pesë finalistëve në këtë garë e cila përfundon këtë të premte, ku çmimi i madh është 200 mijë euro për fituesin.
Trendit të mbjelljes së flokëve nuk po i rezistojnë pothuajse askush nga figurat publike, si politikanë, aktorë, këngëtarë e artistë të shumtë.
Me një kërkim të thjeshtë në Google dalin shumë klinika të cilat pretendojnë se janë të specializuar në këtë lëmi. /Paparaci.com/