Lajmi se Agim Ademi është intervistuar nga Policia e Kosovës ka mbushur ballinat e mediave kryesore në Kroaci.
I pari i FFK-së është duke u intervistuar nga Policia e Kosovës, ndërsa dje gjatë ditës ishte intervistuar edhe zyrtari i financave në shtëpinë e futbollit kosovar, Agim Gashi.
Mediat kryesore në Kroaci kanë raportuar për intervistimin e Ademit.
Vecernji, një nga mediat prestigjioze në Kroaci, ka në ballinën e tyre lajmin për arrestimin e Agim Ademit. “Policia ka arrestuar kreun e Federatës së Futbollit të Kosovës, Agim Ademin. Ishte në gjykatë javën e kaluar”, është titulli që mban ky lajm.
“Përkatësisht, doganat në Kosovë e kanë ndjekur për një kohë për shkak të dyshimit për evazion fiskal dhe keqpërdorim të pozitës. Edhe Federata e Futbollit të Kosovës ishte nën hetim nga prokuroria dhe policia për krim ekonomik”, thuhet mes të tjerash në lajmin e tyre.
Përpos Vecernjit nga Kroacia ka shkruar edhe “INDEX”.
“Arrestohet kryetari i Federatës së Futbollit të Kosovës, Agim Ademi”, është titulli i lajmit në portalin kroat.
Përpos mediave kroate për intervistimin e Agim Ademit nga Policia e Kosovës kanë raportuar edhe shumë media tjera të rajonit.