Politikania serbe dhe këshilltarja në Qeverinë e Kosovës, Rada Trajkoviq, është deklaruar rreth kërcënimeve me jetë që ajo thotë se po i merr.
Sipas saj, këto kërcënime po i shqetësojnë fëmijët e saj, teksa shtoi se për të po shkruajnë gjëra të tmerrshme nëpër rrjete sociale.
“Duke qenë se po marr paralajmërime të ndryshme për likuidime, si mund të mbijetoj? Prandaj fëmijët më ndjekin kudo. Ata shqetësohen se do të më ndodhë diçka dhe unë nuk u besoj njerëzve”, tha ajo sipas portalit serb Kosovo-Online.
“Ka shumë gjëra që kanë shkruar për mua. Ka kaq shumë gjëra të tmerrshme për mua, saqë kur lexon gjithçka që shkruhet dhe çfarë është në rrjetet sociale, të vjen keq”, shtoi ajo.