Kompjuterët dhe pajisjet e tjera tekonologjike në Zyrën e Presidentit të Kosovës do të funksionojnë me rrjet interneti të kompanisë telekomunikuese, IPKO.
Presidenca ka lidhur kontratë një-vjeçare me IPKO-n për aktivizimin e shërbimeve të internetit të premten, raporton Paparaci.com. Kontrata është paraparë të zgjasë një vit.
Sipas njoftimit të Zyrës së Prokurimit në Presidencë, kontrata është e vlefshme 960 euro.
Vetëm kompania telekomunikuese në pronësi të Telekomit të Sllovenisë, ka konkurruar në këtë aktivitet prokurimi të hapur muajin e kaluar nga Zyra e Presidentit.
Vjosa Osmani aktualisht po qëndron në Shtetet e Bashkuara të Amerikës, ku do të përfaqësojë Kosovën në Këshillin e Sigurisë së Organizatës së Kombeve të Bashkuara. /Paparaci.com