Kryeministri i vendit, Albin Kurti, i ka dërguar letër urimi, kosovares Ylfete Fanaj, e cila u zgjodh Këshilltare Qeveritare në Lucern të Zvicrës.
Kreu i qeverisë tha se ky është një moment historik për komunitetin e shqiptarëve në Zvicër, pasi sipas tij, posti që mban Fanaj është i pari për një person me rrënjë nga Kosova.
“Kryeministri Kurti ka kërkuar nga znj. Fanaj që teksa i shton përgjegjësitë si Këshilltare e Qeverisë, ta kujtojë përherë se i mban me vete shpresat dhe aspiratat e Kosovës”.
“Nuk kemi asnjë dyshim se do të nxirrni ekspertizën, përkushtimin dhe pasionin tuaj për t’i shërbyer qytetarëve të Lucernit me integritetin maksimal”, thuhet në njoftimin e kryeministrisë.
Kurti e ka ftuar Fanajn për vizitë në Kosovë për të biseduar për bashkëpunim të mëtejshëm mes vendeve.