Deputetja e LDK-së, Hykmete Bajrami e ka kritikuar qeverinë aktuale duke thënë se mandati i tyre po përfundon me vaj në buzë.
Ajo përmes një postimi në Facebook ka kritikuar specifikisht Ministrin e Financave, Hekuran Murati i cili tha sot se kishte rënie të çmimeve në Kosovë, duke i thënë se nuk është për atë pozitë.
“Duhesh me qënë tepër i dështuar, kur je në pozitën e ministrit të financave, në vitin e tretë të mandatit dhe i takon një qeverie që i ka të gjitha nivelet e pushtetit e krejt çka ke me thënë është se “LDK-ja s’po me len me punu”, thuhet në postimin e saj.
Bajrami tha se ndonëse është viti i tretë i mandatit nuk ka asnjë politikë fiskale, asnjë reformë strukturore, asnjë arritje,asnjë listë e publikuar e përfituesëve, investimet kapitale me të ultat në dekadën e fundit, skandale, korrupcion e nepotizëm gjithandej dhe ”fajet LDK-ja”.
“Pse je kaq patetik minister? LDK-ja ka me qënë në mbrojtje të kushtetutës gjithmonë. Rënia e çmimit të derivateve dhe vajit ushqimor nuk është bërë me ligj, pikërisht tregu i lirë/konkurrenca e ka bërë këtë. Ju s’keni qënë në gjendje të ndermerrni asgjë, andaj edhe në atë që ke thënë brenda disa rreshtave je kundëthënës edhe vetën”, thuhet tutje në statusin e saj.