Tensionet po vijojnë në Komunën e Zveçanit. Kjo pasi, protestuesit serbë akoma nuk janë shpërndarë.
Në pamjet e publikuara në Youtube nga Klan Kosova, shihet se si protestuesit hedhin gurë në drejtim të KFOR-it, transmeton Paparaci.
Po ashtu, protestuesit kanë nisur të hedhin shok-bomba dhe shishe në drejtim të pjesëtarëve të KFOR-it.
KFOR-i ka ndërhyrë për shpërndarjen e protestuesve në Zveçan. Paraprakisht i paralajmëroi protestuesit që të shpërndahen, por ata nuk u bindën.
“Ju po shkaktoni trazira. Po e rrezikoni veten dhe komunitetin tuaj. Largohuni nga zona dhe shkoni në shtëpi – në të kundërtën, KFOR-i do të detyrohet të ndërhyjë”, ishte audio-paralajmërimi i KFOR-it.