Deputetja e VV-së, Arbëresha Kryeziu-Hyseni, ka thënë se bashkësia ndërkombëtare po e shantazhon Kosovën.
Kjo duke vendosur Asociacionin si kusht për anëtarësim në Këshillin e Evropës.
Në RTV Dukagjini ajo ka thënë se Kosova nuk ka faj që nuk është në agjendë.
“Këtu lë të kuptosh se bashkësia ndërkombëtare po do ta shfytëzojë këtë si kartë të fundit, që ta shantazhojë Kosovën për ta rikthyer çështjen e Asociacionit. Mund të jetë shantazh prej pikëpamjes time, nuk ka asnjë sens që të kërkohet nga Kosova ta dërgojë në Kushtetuese një non paper”, tha ajo.
“Unë nuk besoj që ka faj Kosova, sepse kemi bërë gjithçka që është kërkuar që të hapet rruga drejt anëtarësimit. Nuk ka asgjë në dorën tonë. Është në dorën e ministrave”, tha ajo.