Kryetari i Bordit të Asociacionit të Gazetarëve të Kosovës, Xhemajl Rexha, ka thënë se në një lokal në veri të Kosovë janë strehuar ai bashkë me rreth 30 gazetarë të tjerë shqiptarë dhe serbë, pas zhvillimeve dhe tensioneve të fundit.
Në një postim në Twitter, Rexha teksa publikoi një fotografi nga lokali ku po qëndron, u shpreh se serbët e maskuar po hedhin bomba me benzinë drejt ushtarëve të KFOR-it.
“Me rreth 30 gazetarë, shqiptarë dhe serbë kemi mbetur në një kafe afër ndërtesës së komunës. Serbët e maskuar po hedhin bomba me benzinë drejt forcave të NATO-s gjatë gjithë kohës”, ka shkruar ai.
With some 30 journalists, both Albanian and Serbs we are stuck in a coffee close to the municipal building. Masked Serbs are throwing petrol bombs towards NATO forces all the time. #Kosovo pic.twitter.com/5DVXjUQmKA
— Xhemajl Rexha (@xhemajl_rexha) May 29, 2023