Në mënyrë të barabartë me rezultat 1:1 ka përfunduar pjesa e parë e takimit mes Manchester City dhe United në kuadër të finales së FA Cup.
Ndeshja nisi me golin më të shpejtë në histori të finales shumë vjeçare. Ilkay Gundogan shënoi vetëm 13 sekonda pas fillimit të ndeshjes.
Ai realizoi një supergol pas një goditje jashtë 16-metërshit.
Rezultati u barazua pas më shumë se gjysmë ore lojë. Kapiteni i “Djajve të kuq”, Bruno Fernandez realizoi në minutën e 35-të.
Portugezi shënoi nga penalltia pasi gjyqtari pa lojë me dorë brenda zonës së rrezikut nga Grealish.