Më shumë se 280 njerëz humbën jetën dhe më shumë se 1,000 u lënduan kur një tren pasagjerësh doli nga shinat dhe u përplas me dy trena të tjerë në lindje të Indisë, një nga aksidentet hekurudhore më të rënda në historinë e vendit.
Ekipet e shpëtimit nuk gjetën asnjë të mbijetuar në rrënojat dhe mbetjet e dy trenave të pasagjerëve.
Pamjet dramatike nga vendi i ngjarjes mund të shihen në rrjetet sociale, dhe pamjet veçanërisht prekëse me dron janë dëshmia më e mirë e katastrofës.
Lajmi për aksidentin në qytetin Balasore, në shtetin lindor të Odisha, bëri jehonë në të gjithë Indinë dhe botën.
Indianët po u bëjnë thirrje në mënyrë të përsëritur autoriteteve, që të adresojnë çështjet e sigurisë në sistemin hekurudhor që transporton më shumë se 13 milionë pasagjerë çdo ditë.
Ndërsa qeveria kohët e fundit ka investuar miliona në përmirësimin e rrjetit hekurudhor, vitet e neglizhencës kanë lënë gjurmë.
Pramila Malik, ministrja e Menaxhimit të Fatkeqësive në Odisha, tha të shtunën se 288 njerëz kishin vdekur.
Një “hetim i nivelit të lartë” është urdhëruar për përplasjen për të kuptuar se çfarë e shkaktoi aksidentin, u tha gazetarëve të shtunën Ashwini Vaishnau, ministri i Hekurudhave.