U dha dje dhe përfundon sot. Ultimatumi i Emisarit të Shteteve të Bashkuara të Amerikës për Ballkanin Perëndimor, Gabriel Escobar për kryeministrin e Kosovës Albin Kurtin që ta depërshkallëzojë situatën në veri të Kosovës.
Escobar doli me kërkesa të qarta për qeverinë e Kosovës për depërshkallëzimin e situatës në veri të Kosovës derisa tha se fillimisht duhet të bëhet depërshkallëzimi i situatës në veri, e dyta është se duhet të mbahen zgjedhje të reja me pjesëmarrje të serbëve dhe e treta se duhet të lëvizet në drejtim të implementimit të marrëveshjes së Ohrit. Për këtë, ai i dha Kurtit afat dy ditor, që përfundon sot, shkruan Paparaci.com.
“Andaj, kjo duhet të bëhet tani dhe duhet të pajtohemi për këtë sot dhe nesër, sepse të premten, Miroslavi [Lajcak] dhe unë, pritet që të japim raporte te eprorët tanë, lidhur me atë se a ishim të suksesshëm apo jo.”, tha Escobar.
Pasoja të mëdha për raportet tashmë të lënduara të kryeministrit të Kosovës, Albin Kurtit me Shtetet e Bashkuara të Amerikës dhe bashkësinë ndërkombëtare janë paralajmëruar nëse këto kërkesa nuk përfillen.
“Shikoni, po ju them një gjë: nuk bëhet fjalë vetëm për SHBA-në, por për të gjithë komunitetin transatlantik. Andaj nuk jemi ne. Nuk janë 27 shtetet e Bashkimit Evropian dhe SHBA-ja me Britaninë. Ne i shohim gjërat në të njëjtën mënyrë, ne jemi mbështetës. Po vjen nga diku tjetër, dhe po, mund të ketë ndikim afatgjatë.”, tha Escobar.
Por, çfarë deklaroi dje presidentja e Kosovës, Vjosa Osmani – Sadriu pas takimit që pati me emisarin e SHBA-ve, Escobar dhe me emisarin e Bashkimit Evropian, Miroslav Lajçak.
Sipas asaj që ka deklaruar Osmani, ajo ka diskutuar hapat e ardhshëm për stabilitet sfatgjatë në rajon, derisa thuhet se ua ka përsëritur mundësinë ligjore për zgjedhje të reja.
Osmani gjithashtu në takim me ta ka theksuar se mosndëshikimi i grupeve dhe individëve që kanë suluar policinë, gazetarët KFOR-in e EULEX-in nuk duhet toleruar.
“Në takimin e sotëm me Escobar dhe Lajçak shpreha përkushtimin tonë të plotë për të vazhduar punën me partnerët për të siguruar sundimin e ligjit në veri të Kosovës. Diskutuam hapat e ardhshëm në përpjekjet tona të përbashkëta për paqen dhe stabilitetin afatgjatë në rajonin tonë”, tha Osmani.
In today’s meeting with 🇺🇸 DAS Escobar and 🇪🇺 EUSR @MiroslavLajcak, I expressed our full commitment to continue working with partners to ensure the rule of law in the north of Kosovo.
Discussed next steps in our joint efforts for long-term peace & stability in our region. 1/2 pic.twitter.com/GLJbnisiND
— Vjosa Osmani (@VjosaOsmaniPRKS) June 6, 2023
“Theksova se mosndëshkimi për grupet dhe individët kriminalë që kanë ushtruar dhunë ndaj policisë, gazetarëve, KFOR-it, EULEX-it dhe qytetarëve nuk duhet toleruar. Nënvizova se zgjedhjet e reja janë të mundshme në përputhje me ligjin dhe parimet demokratike përfshirë gjithëpjesëmarrjen”, tha Osmani.
Stressed that impunity for criminal groups & individuals who used violence against police, journalists, KFOR, EULEX & citizens should not be tolerated.
Underlined that new elections are possible in accordance with law & democratic principles incl. participation of all. 2/2 pic.twitter.com/OOQjNM6Ppr
— Vjosa Osmani (@VjosaOsmaniPRKS) June 6, 2023
Nuk dihet se cili do të jetë qëndrimi dhe vendimi i kryeministrit të Kosovës, Albin Kurti por është e ditur se sot përfundon ultimatumi amerikan për të që është përcjellur me paralajmërimin e pasojave të mëdha për Kosovën në arenën ndërkombëtare. /Paparaci.com/