Kryeministri i Kosovës, Albin Kurti, ka njoftuar sonte se tash e një muaj më parë Zyra e Kryeministrit, po i publikon komunikatat në dy gjuhë zyrtare, shqip dhe serbisht.
Sipas tij, kjo bëhet për të informuar qytetarët e Kosovës nga komuniteti serb e të ketë më pak dezinformime.
”Një muaj më parë Zyra e Kryeministrit – për herë të parë që nga pavarësia – filloi praktikën e publikimit të komunikatave në të dyja gjuhët zyrtare të Kosovës”, shkroi ai në platformën “X”.
“Ky është një hap i vonuar dhe jetik për t’u ofruar serbëve informacione të sakta nga qeveria e tyre, në një epokë dezinformimi”, shtoi ai.