Futbollisti i Ballkanit, Nazmi Gripshi ka thënë se Ballkanit i mungoi fati sot në ndeshjen ndaj Astanës.
Ballkani u ndal me barazim pa gola, ndonëse pati raste të shumta shënimi dhe dominoi takimin që nga fillimi.
Gripshi ka deklaruar se fati nuk ishte në anën e Ballkanit, teksa ka shtuar se ka mbetur i kënaqur me paraqitjen e ekipit.
“Kemi bërë një ndeshje nga më të mirat, mungoi vetëm goli. Dominuam ndeshjen si mysafir por na mungoi fati. E patëm një rast shumë të mirë por ky është futbolli, nuk shënova dot por ishte edhe zotësia e portierit. Duhej të shënoja por fati nuk ishte me ne.
Ndeshja me Astanën në Prishtinë nuk ishte dita jonë. Sot kemi treguar se jemi ekip më i mirë por në futboll edhe fati duhet të jetë në anën tënde”, deklaroi Gripshi.