Drejt kutive të votimit është drejtuar edhe kryetari i Kuvendit të Kosovës, Glauk Konjufca.
Kreu i Kuvendit ka uruar që procesi të përfundojë mirë, pasi deri më tani thekson se gjithçka ka shkuar mirë.
“Sot është ditë e rëndësishme për demokracinë, pasi qytetarët përmes votës së lirë do ta legjitimojnë pushtetin lokal, do t’i zgjedhin kryetarët e komunave…Deri më tani gjithçka ka shkuar mirë sipas KQZ-së, edhe me sa po mësojmë prej misioneve të vëshgimit dhe monitorimit”, tha Konjufca para mediave.
“Urojmë të përmbyllet procesi e gjithçka të shkojë mirë e qytetarët t’i kenë ata të cilët e marrin pushtetin lokal sipas votës dhe besimit të qytetarëve të Republikës së Kosovës”, shtoi ai.