Me rastin e Ditës Ndërkombëtare të Kujtimit të Holokaustit, kryeministri Albin Kurti mori sot pjesë në ceremoninë komemorative në Bibliotekën Kombëtare nën organizimin e Ambasadës së Izraelit në Kosovë.
Ai me këtë rast tha se përkujtimi i Holokaustit është detyrë e të gjitha demokracive, pavarësisht rolit të tyre.
“Holokausti na shërben si shembull prekës i rreziqeve të fanatizmit dhe jo tolerancës dhe se kujtimi i tij i motivon njerëzit që të ngrihen kundër padrejtësisë dhe të promovojnë barazi dhe dinjitet për të gjithë”, u shpreh kryeministri.
Kurti shtoi se viktimat nuk duhet të jenë të përkryera që të meritojnë të flasin me zë të lartë dhe autorët duhet të përballen me gjyqin, pasi drejtësia është shumë me e përsosur se çdo krim.
“Pesha e vuajtjeve të civilëve, edhe në rast se veprohet në vetëmbrojtje, duhet të jetë busulla e jonë në mënyrën së si ecim përpara” tha më tej ai duke shtuar se asnjë veprim i tanishëm apo i ardhshëm nga asnjë qeveri nuk duhet t’i hapë rrugën revizionit historik.
“Historia e Holokaustit duhet të mbahet mend, por nuk duhet ndryshuar kurrë,” tha Kurti.