Një qytetar serb në Leposaviq është liruar në procedurë të rregullt pasi është arrestuar nën dyshimin për armëmbajtje pa leje të mërkurën.
I dyshuari është arrestuar të mërkurën në mesditë pasi Policia e Kosovës ka bastisur shtëpinë e tij dhe ka sekuestruar disa armë.
Sipas Policisë, në shtëpinë e të dyshuarit është sekuestruar një kallashnikov AK-47.
“Është arrestuar i dyshuari mashkull kosovar pasi që gjatë bastisjes në shtëpinë e tij janë gjetur dhe sekuestruar një armë automatike AK-47, 30 fishekë dhe një pushke gjuetie”, tha policia në raporton 24-orësh.
Në konsultim me prokurorin, i dyshuari pas intervistimit është liruar në procedurë të rregullt.