Mjetet nën menaxhim të Fondit të Kursimeve Pensionale janë rritur për qindra miliona euro këtë vit.
Deputeti Armend Muja ka thënë sot qytetarët duhet ta kenë një informatë të rëndësishme: që mjetet e tyre në Trust janë rritur.
Ai tha kështu në seancën e Kuvendit të Kosovës të enjten, në të cilën kuvendi e miratoi raportin vjetor të Fondit të Kursimeve Pensionale për vitin 2022.
“Në diskutime të thella me Trustin Pensional, ne i kemi dhënë mbështetje këtij raporti vjetor dhe për shkak të rëndësisë që ka, i nderuar kryetar, më lejoni të ju informoj, se derisa po flasim çmimi i njësisë standard ka shkuar në 1.72 euro që është çmimi më i lartë, rekord, që nga themelimi i Trustit Pensional”, tha Muja.
“Kjo është e rëndësishme marrë parasysh shkallën e dezinformatave që e kanë karakterizuar Trustin Pensional dhe është një informacion që duhet ta kenë të gjithë ata që kanë kursime në Trustin Pensional”, tha ai.