Klubi i basketbollit Bora është shpallur sot kampion i Ligës së Parë, dhe në sezonin e ri 2024/25 do të garojë në Superligën e Kosovës në basketboll.
KB Bora e mposhti New Basket edhe në finalen e dytë të “Play-off”, kësaj radhe me rezultat 71:97 (17:19, 23:30, 11:25, 20:23), raporton KosovaPRess.
Tani, New Basket do të luajë në “Play-out” me Proton Cable Prizrenin, për një vend në elitën e basketbollit vendor.
Çmimi MVP i takoi Tyus Jefferson, i cili finalen e mbylli me 26 pikë, 14 kërcime e gjashtë asistime.
Bora përfundoi edicionin pa asnjë humbje, duke fituar edhe Kupën e Kosovës.