Kandidati për Kryeminstër nga radhët e PDK-së Bedri Hamza në një intervistë në Rubikon të Klan Kosovës ka treguar se a ka folur me krerët e UCK-së në Hagë.
“Nuk kam fol ata e kanë situatën e vet, ndodhen në rrethana çfare ndodhen, uroj që kjo të përfundoj sa më shpejt, të përfundoj me vendim lirues, dhe sigurisht se ata të fokusuar të koncetruar me këtë proces as nuk dojnë as nuk munden me u marrë më çështje politike në Kosovë, mirëpo kish me qenë absurd me u mendu që unë si Bedri Hamza si mik i Thaçit e Veselit mos me pas përkrahjen e tyre për kandidaturën për kryeminstër pavarsisht që nuk kam pas mundësi me bisedu me ta për këtë”, ka thënë Hamza.
Tutje, ai ka treguar se me pozitën e tij si kryeminstër dëshiron që ti ndihmoj Mitrovicës dhe qyteteve tjera më shumë.
“Unë jam kryetari aktual i Mitrovicës, por kërkoj një pozitë tjetër përmes së cilës mundem me i ndihumu Mitrovicës dhe më shumë sepse komunat nuk kanë qenë të trajtuara dhe të përkrahura mjaftueshëm nga qeveria aktuale dhe përmes pozicionit të kryeminsitrit kam mundësi që ti ndihmoj dhe më tëpër se sa tash si kryetar i komunës”, është shprehur i pari i Mitrovicës.