Këngëtari i njohur, Robert Berisha, gjatë një interviste nëpërmes Skype-it të dhënë për emisionin “Abc-ja e mëngjesit” foli për angazhimin e tij si moderator.
Prej pak kohësh, ai drejton një emision argëtues , për të cilin dha më shumë detaje gjatë bisedës në “ABC-ja e mëngjesit”.
“Ishte shumë i vështirë sepse nuk jam marrë me moderim por e kam pranuar me shumë qejf pasi e dija se do të luaj në piano dhe do të këndoj. E kisha pak siklet moderimin. Por e kam bërë vetë, është pa skenar, dhe krejt spontanisht janë dhe batutat. E mora pak me qetësi sepse e dija se do të jetë me muzikë dhe me bandën time”, është shprehur Roberti.
Por a e ka ftuar Nora Istrefin, ish bashkëshorten e tij për të qenë pjesë e emisionit?
Roberti zbuloi se Nora e ka marrë një ftesë nga ana e tij dhe së shpejti do të mund t shohm Norën në emisionin e tij pasi siç tha ai, do të realizojnë diçka speciale. Ai shtoi gjithashtu se ka qenë spektik për emisionin por Nora ka qenë ajo që e ka mbështetur shumë.
“Do të vijë shumë shpejt dhe me ndonjë këngë të re. I pëlqen emisioni shumë, më ka ndihmuar dhe shpresoj që ta kemi. E kam ftuar dhe jemi duke e përgatitur që të bëjmë diçka ekstra”, ka thënë këngëtari.