Prokuroria Themelore në Pejë ka thënë se është duke i kryer të gjitha ekzaminimet e nevojshme në vendin ku dyshohet se u vra një grua në banesën e saj në Pejë.
I dyshuari për vrasjen është bashkëshorti i saj, i identifikuar si Edmond Lajqi.
Zëdhënësi i Prokurorisë në Pejë, Shkodran Nikqi, tha se i dyshuari është arrestuar dhe të njëjtit i është konfiskuar arma.
“Një vrasje ka ndodhur në një banesë në qendër të qytetit të Pejës, ku dyshohet se bashkëshorti ka privuar nga jeta gruan e tij, me armë zjarri. Në vendin e ngjarjes është Kryeprokurori, prokurori i Krimeve të Rënda dhe të gjitha njësitet relevante policore. Personi i dyshuar është arrestuar dhe i është konfiskuar arma. Në vendin e ngjarjes janë duke u kryer të gjitha ekzaminimet e nevojshme, ndërkaq jemi në pritje të Institutit të Mjekësisë Ligjore që të tërheq trupin e pajetë”, tha Nikçi.