Barcelona do të ndjekë çështjen në gjykatë Federatën Mbretërore të Futbollit Spanjoll, në lidhje me atë që ata mendojnë se është një padrejtësi në El Clasico të dielën, pas ‘golit fantazmë’ të Lamine Yamal në Santiago Bernabeu.
Presidenti Joan Laporta lëshoi një deklaratë të hënën duke kërkuar që RFEF të publikojë pamjet dhe audion nga dhoma e VAR-it që çuan në mos pranimin e golin, dhe ata publikuan një klip me audio, por jo burimet e ndryshme që kanë instaluar në dhomën e vetë, transmeton Telegrafi.
RFEF e hodhi poshtë këtë kërkesë, duke theksuar se nuk do të kishte përjashtime vetëm për Barcelonën.
Sipas mediumit RAC1, Barcelona do të ndjekë RFEF-në në gjykatë në një përpjekje për të detyruar ata të publikojnë materialin që dëshiron.
🔴 El Barça recorrerà el gol fantasma de Lamine Yamal a la justícia ordinària https://t.co/FV9jQcyjO4
— RAC1 (@rac1) April 24, 2024
Laporta kërcënoi gjithashtu në deklaratën e tij për të kërkuar që ndeshja me Real Madrid të përsëritet, duke përmendur precedentin e një ndeshjeje Genk-Anderlecht që do të riluhet në fund të sezonit në Belgjikë.
Shumëkush nuk e humbi faktin që Laporta dhe Barcelona mund ta përdorin këtë pjesërisht për të larguar vëmendjen nga humbja e tyre në El Clasico, me Real Madridin që do të konfirmojë titullin e tyre në ligë pas vetëm disa ndeshjeve.
Gjithsesi, diskursi nga Xavi Hernandez dhe Laporta tregon gjatë gjithë sezonit se ata ndihen sikurse i është bërë e padrejtë nga gjyqtarët.