Sulmi me përmbajtje seksiste i Rron Gjinovcit ndaj Flutura Kusarit është përmendur edhe në raportin vjetor të “Freedom House”, organizatës së njohur amerikane.
Në këtë raport, Gjinovci cilësohet si një “mbështetës i fortë i qeverisë së Kosovës”, ndërsa komenti i tij mbi flokët e Kusarit cilësohet si “komente mizogjene”.
“Në qershor 2023, avokatja dhe aktivistja e medias, Flutura Kusari, u përball me thirrje për dhunë ndaj saj në internet. Ajo fillimisht u veçua nga Rron Gjinovci, një mbështetës i fortë i qeverisë së Kosovës, i cili bëri komente mizogjene ndaj saj pasi ajo kundërshtoi vendimin e qeverisë për heqjen e licencës së Klan Kosovës dhe duke u shprehur hapur në kritikat e mosdhënies së masave mbrojtëse nga qeveria për gazetarët që raportonin nga veriu”, shkruan në raportin e Freedom House.
Sjellim ndër mend që Gjinovci, pas reagimeve të shumta në publik, e kishte larguar pas një kohe këtë shkrim.