Lidhja Demokratike e Kosovës (LDK) ka deklaruar se raportin e organizatës amerikane “Freedom House” dhe Raportin e Departamentit Amerikan të Shtetit, i konsideron shqetësues.
Në njoftimin e lëshuar thuhet problematikat që janë ngritur në këto dy raporte vet ky subjekt politik i kishte diskutuar dhe kishte kërkuar që të merren veprime konkrete “për t’i zbardhur aferat korruptive”.
“Në këtë raport përmendet ndër të tjera skandali i Ministrisë së Tregtisë për rezervat shtetërore, për të cilat Lidhja Demokratike e Kosovës ka ngritur zërin në Kuvend dhe kërkuar themelimin e Komisionit Hetimor lidhur me procedurat për furnizimin dhe menaxhimin me rezervat shtetërore si dhe keqpërdorimet dhe abuzimet e mundshme me rezervat shtetërore. Por për zbardhjen e këtij skandali nuk pati vullnet nga deputetët e pozitës, dhe sot këtë skandal e ke pjesë të raportit. Pra, të gjithë e kanë kuptuar se qeveria bën propagandë, por nuk e lufton korrupsionin”.
“Lidhja Demokratike e Kosovës, do të vazhdojë të mbrojë paranë publike, e cila po keqpërdoret nga korrupsioni instalues i Qeverisë. Përderisa do të shfrytëzohen edhe institucionet që personat të cilët kanë bërë vepra të tilla, të dalin para drejtësisë”, thuhet në njoftim.