Lideri i BDI-së, Ali Ahmeti, ka votuar në raundin e parë të zgjedhjeve presidenciale në Maqedoni të Veriut.
Ai ka ftuar të gjithë qytetarët e Maqedonisë që ta shfrytëzojnë të drejtën e tyre për të votuar.
Në profilin e tij në Facebook, Ahmeti ka shkruar se me votën e tyre qytetarët e kanë rastin i t’i thonë ‘Jo’ Rusisë dhe ‘Po’ Evropës.
“Sot në Zajazin tim shfrytëzova të drejtën demokratike të votës për të lënë gjurmë kontributi në trasimin e së ardhmes europiane. Me votën tonë kemi shansin historik të vulosim njëherë e përgjithmonë orientimin tonë euro-amerikan, t’i themi JO Rusisë, PO Evropës! Andaj, ju ftoj të gjithëve që të votoni për fitoren e madhe të kauzës sonë europiane! Uroj proces të mbarë zgjedhor, në frymë plotësisht demokratike dhe europiane!”, ka shkruar Ahmeti.