Këtë të premte pritet të mbahet seanca e parë në Kuvendin Komunal të Zubin Potokut.
Këtë për Dukagjinin e ka konfirmuar kryetari i kësaj komune, Izmir Zeqiri, i cili ka bërë të ditur se seanca do të fillojë në ora 09:00.
Tashmë ka kaluar një vit që kur kanë marrë pozitat e kryetarëve të dy komunave veriore, Izmir Zeqiri dhe Ilir Peci, dhe ende ushtrojnë detyrën nga zyrat alternative në fshatrat Çabër dhe Lipë.
Bojkoti i qytetarëve në komunat e veriut për të votuar për shkarkimin e tyre më 21 prill, u ka hapur rrugë kryetarëve të këtyre komunave që detyrën ta ushtrojnë nga zyrat në komunë.