Skuadra e Prishtinës do të luaj në stadiumin e “Ramiz Sadikut” ndeshjen kundër Llapit që do të zhvillohet të dielën në kuadër të xhiros së 31-të në Superligën e Kosovës.
Në njoftimin e klubit ‘bardheblu’ bëhet e ditur se ndeshja e xhiros së 31-të do të zhvillohet në stadiumin e skuadrës së Ramiz Sadikut.
Prishtina tash e sa kohë nuk i zhvillon ndeshjet në stadiumin “Fadil Vokrri”. Kjo për shkak të punimeve në këtë stadium.
Skuadra më e trofeshme në Kosovë ndeshjet e saj si vendase deri më tani i ka zhvilluar në stadiumin “Sami Kelmendi” në Lipjan.
Derbi i xhiros së 31-të do të zhvillohet me fillim nga ora 15:00.
Deri para xhiros së 31-të, Prishtina ndodhet në pozitën e pestë në tabelë me 43 pikë, ndërkaq Llapi mban pozitën e tretë me 58 pikë, dy më pak se Ballkani që mban pozitën e parë.