Pas deklaratës së Dora Bakoyannis se asnjë kandidati për anëtarësim në Këshillin e Evropës nuk i është kërkuar të përmbushë aq shumë kritere sa Kosova, pason gara e servilëve të Vuçiqit se cili po e fyen më shumë Bakoyannis-in.
Shefi i ri i diplomacisë serbe, Marko Gjuriq, me një gjuhë “shumë diplomatike” ka pretenduar se deklarata e Dora Bakoyannis është edhe një “hap i saj i turpshëm”.
“Në përpjekje për të legjitimuar me pafytyrësi para popullit grek dhe serb dhe publikut të gjerë evropian mospërfilljen e saj të plotë për shkeljet flagrante të regjimit të Kurtit, Dora Bakoyannis ka ndërmarrë një hap tjetër të turpshëm. Shkeljet që ajo pretendon se nuk i sheh, pavarësisht 300 vizitave të saj në rajon, përfshijnë jo vetëm detyrimet formale që rrjedhin nga Marrëveshja e Brukselit dhe negociatat e Ohrit, por më e rëndësishmja, të drejtat themelore njerëzore, politike dhe ekonomike të serbëve në Kosovë. Ajo tani deklaron se asnjë kandidat për anëtarësim në Këshillin e Evropës i është kërkuar ndonjëherë të plotësojë aq kritere sa nga regjimi i Kurtit”, ka shkruar Gjuriq në rrjetin social “X”, transmeton Paparaci.
Ai ka pretenduar se “do të dëshironte, nëse është e mundur, të dijë saktësisht” se cilat janë kriteret mbi bazën e të cilave ajo tani mbështet anëtarësimin e qeverisë etno-nacionaliste të Kurtit në Këshillin e Evropës”.
“A është ndalimi i plotë 11-mujor i hyrjes së mallrave serbe në Kosovë? A është ndalimi i paligjshëm i përdorimit të dinarit serb, që sjell deri aty që spitalet në zonat me shumicë serbe të mbesin pa ilaçe dhe mjekët, infermieret dhe nënat të mos marrin rroga apo pensione. A janë këto kritere ndoshta arrestime të paligjshme, apo është shtypja brutale që ekspozohen serbët e Kosovës në baza ditore?”, pyet Gjuriq.
Ai gjithashtu ka thënë se mbështetja për anëtarësimin e qeverisë së Kurtit në KiE është “një njollë e turpshme që nuk mund të justifikohet”.
“Njollë për të cilin jam thellësisht i bindur nuk është në interes as të popullit grek dhe as atij serb”, ka përfunduar ministri i ri i jashtëm serb./Paparaci.com