Dy vëllezër janë arrestuar në orët e para të mëngjesit të së mërkurës në Prishtinë, pasi u përfshinë në një përleshje me njëri-tjetrin.
Të dyshuarit janë arrestuar rreth orës 04:00 të mesnatës, ka thënë policia.
“Janë arrestuar dy të dyshuar meshkuj kosovarë, (vëllezër) pasi që të njëjtit pas një mosmarrëveshje janë përleshur në mes vete”, tha policia në raportin 24-orësh.
Pas intervistimit, me vendim të prokurorit të dyshuarit fillimisht janë liruar në procedurë të rregullt, por njëri prej tyre e ka përsëritur sërish veprën menjëherë pas lirimit. Dyshohet se e ka sulmuar sërish vëllain e tij.
“E me pas pasi që njeri prej tyre ka përsërit veprën, është dërguar në mbajtje”, njoftoi policia.