Të premten, një demonstratë kundër makinave elektrike në një fabrikë Tesla në Grunheide të Gjermanisë eskaloi plotësisht: aktivistë të majtë me sa duket u përpoqën të thyenin barrierat e policisë dhe të hynin në ambientet e fabrikës.
Mësohet se ka pasur edhe përleshje të dhunshme me efektivët e policisë, siç raporton “Bild”.
Videot tregojnë dhjetëra njerëz që vrapojnë nëpër shinat e trenit dhe shkojnë drejt fabrikës së makinave.
Sipas deklaratave të njerëzve në vendngjarje, ishte e pamundur të rrethoheshin të gjitha zonat për shkak të hapësirës së gjerë të zonës.
Zyrtarët nga shtetet federale të Brandenburgut dhe Berlinit i kishin duart plot. Disa prej tyre i tërhoqën zvarrë demonstruesit. Mësohet se ka pasur disa arrestime.
Dita filloi me një marshim të regjistruar nga kundërshtarët e Teslës në kampin e protestës në Grunheide. Aktivistët ishin përpjekur të hynin në ndërtesën e fabrikës edhe të enjten.