fbpx

Të fundit

Anijet japoneze fantazmë të fundosura në betejën e Jima dalin në sipërfaqe prej aktivitetit sizmik

Aktiviteti sizmik në një prej vullkanëve më aktivë të Japonisë, mali Suribachi, ka nxjerrë nga fundi i detit rrënojat e anijeve të fundosura gjatë betejës së Iwo Jima në Luftën e Dytë Botërore.

Njëzetekatër mjete transporti detar të kapura nga marina e SHBA gjatë fazave të fundit të luftës, u zhvendosën në pjesën perëndimore të Iwo Jima për krijimin e një porti, shkruan rrjeti  Telegraph.

Trupat e anijeve u sollën asokohe në ishull pasi vendi nuk kishte ambjente portuale.

Fundi i detit është ngritur prej aktivitetit sizmik të malit Suribachi, vecanërisht në pjesën perëndimore të vendit.

Anijet e fundosura qëndrojnë mbi hirin vullkanik dhe janë përdorur si breza për frenimin e ujit teksa ushtarët shkarkonin materialet e luftës.

Ishulli ishte ndërtuar në këtë mënyrë për të krijuar një bazë artificiale detare nga SHBA, para sulmit mbi ishujt e mëdhenj të Japonisë në Luftën e Dytë Botërore.

Vendi është i pabanuar, por ka poste të ushtrisë japoneze, qe kur u dorëzua nga ushtria e SHBA në 1968.

“Zonat pa ngjyrë të detit tregojnë se aktiviteti vullkanik ende nuk është reduktuar”, tha  Setsuya Nakada, drejtor i qendrës kërkimore të vullkaneve, duke shtuar se ka mundësi dhe për shpërthime madhore vullkanike.

Një foto e famshme e ushtrisë së SHBA duke ngritur flamurin gjatë luftës, është bërë në betejën e Iwo Jima.

Ishulli është ngritur të paktën 10m që prej vitit 1952 si pasojë e aktivitetetit sizmik.

Mali Suribachi, është gati 2000 metra i lartë por një nga vullkanet më të rrezikshme të botës.

Japonia qëndron mbi atë që njihet si “Unaza e zjarrtë” e Paqësorit me aktivitet intensiv sizmik.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparci