fbpx

Të fundit

Surroi: Kemi angazhimin më serioz amerikan në rajon që nga shpallja e pavarësisë

Publicisti Veton Surroi ka thënë se aktualisht është angazhimi më i madh amerikan në Ballkanin Perëndimor që nga shpallja e pavarësisë së Kosovës.

Surroi në emisionin Desk të Kohës ka thënë se ambasadori i ri i SHBA-së në Beograd, Christopher Hill dhe ambasadori i ardhshëm amerikan në Kosovës, Jeffrey Hovenier, janë njerëz me përvojë të madhe në rajon.

“Mendoj se është angazhimi më serioz amerikan në rajon deri më sot, prej shpalljes së pavarësisë. Janë të gjithë njerëz që po kthehen në rajon, njerëz me përvojë të madhe. Ambasadori Hill është larg më lartë në angazhimin e tij profesional diplomatik, se që është posti diplomatik në Beograd. Administrata amerikane do të vijë, mos të them me një projekt të gatshëm, por entuziazëm të ri, përvojë shumë të madhe. Edhe njerëzit tjerë në rajon nga administrata amerikane janë me përvojë të madhe, përfshirë ambasadorin e ardhshëm amerikan në Kosovë, Hovenier, që ka qenë në Rambuje e në negociata në Vjenë. Janë njerëz me përvojë e njohuri, e nuk duhet shpjeguar se çfarë ka ndodhur këtu. Është plus shumë i madh”, ka thënë Surroi. “E po ashtu është plus se janë njerëz që kanë dell trans-atlantik, që punojnë me BE-në me diplomatët evropiane, që kanë miqësi të madhe me njerëzit. Do të jetë periudhë interesante vitin e ardhshëm”.

Surroi ka thënë se politika e Amerikës më nuk është ajo e viteve 90-ta.

“Politika amerikane ka kaluar krejtësisht në një pozicion gjeostrategjik tjetër, është fokusi indo-paqësor, regjioni që i afrohet Kinës. Këto çështje konsiderohen si të pambyllura, që për fat të mirë administrata amerikane mendon se mund të mbyllen me një veprim politik, diplomatij, në muajt apo vitet e ardhshme”, ka thënë Surroi.

Sa i përket BE-së ka thënë se duhet parë se çfarë do të prodhojnë zgjedhjet në vendet kryesore të bllokut.
“Do të kemi së shpejti qeveri të re gjermane. Po ashtu janë zgjedhjet presidenciale në Francë, ku do të sqarohen disa çështje. Me një intensitet më të madh amerikan, mudn të shohim edhe përfshirje të diplomacisë britanike. Gjërat duken mirë për rajonin në këtë aspekt”.

Publicisti Surroi ka thënë se Serbinë ndërkohë po e përkrahin disa vende të BE-së që kanë vet probleme me sundim të ligjit, siç është Hungaria.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparci