Kandidati për deputet nga AAK-ja, Ramush Ahmetaj ka ftuar të rinjtë në koncertin e organizuar në Deçan dhe në të cilin do të performojë edhe këngëtari i njohur Majk.
Ai ka thënë se të rinjtë janë shtylla kryesore që mund të bëjnë ndryshimin e madh.
“Përkrahja juaj, zëri juaj, vota juaj është fitore Për Kosovën Fituese me Kryeministër të Kosovës z.Ramush Haradinaj, liderin e të ardhmës së Kosovës, i cili, ato që i premtoj, i bëri realitet. Ju ftojmë të bashkohemi në vendlindjen e Kryemnistrit tonë, z.Ramush Haradinaj, të bashkohemi në Deçan, për ti dhënë përkrahje Ramush Haradinajt i cili tërë jetën e tij dhe të familjes e vuri në themelet e lirisë dhe shtetndërtimit. Ejani në Deçan në tubimin e madh që do të mbahet me rini me 18 janar 2025 ditë e shtunë, ora 16:00, në Restaurant “Maturanti” në Deçan. Ejani të bashkohemi në Deçan ta kalojmë një mbrëmje te bukur me këngëtarin Majk”, ka shkruar ai.
“Për Kosovën Fituese ju jeni shtylla kryesore që mund ta bëni ndryshimin e madh. Ju ftoj të bashkohemi në Deçan në restoranin “Maturant”, ju mirëpresim, me ju dhe me ne, do të jetë edhe këngëtari Majk”, ka shkruar Ahmetaj.