ër shkak të ndryshimeve klimatike, deri në fund të shekullit polet e Tokës mund të lëviznin deri në 27 metra më tej në perëndim nga sa ishin në vitin 1900, pasi shkrirja e shpejtë e akullit dhe rishpërndarja e masave të oqeanit në planet në fakt mund të modifikonin boshtin e rrotullimit të Tokës.
Këtë e tregon një studim i Institutit Federal Zviceran të Teknologjisë në Zyrih, i publikuar në revistën ”Geophysical Research Letters”.
Studiuesit rindërtuan zhvendosjen e poleve gjeografike të Tokës nga viti 1900 në 2018 dhe kombinuan të dhënat me parashikimet e shkrirjes së akullit për të vlerësuar se sa mund të zhvendosen polet nën skenarë të ndryshëm të ndryshimeve klimatike të shkaktuara nga njeriu.
Rezultatet treguan se në skenarin më të keq të klimës, Poli i Veriut mund të lëvizte drejt perëndimit me më shumë se 27 metra në krahasim me pozicionin e tij në vitin 1900.
Në skenarin më të mirë, me emetimet më të ulëta të gazeve serrë, ai mund të zhvendoset me rreth 12 metra.
Në simulimet, roli i luajtur nga shkrirja e shtresave të akullit të Groenlandës dhe Antarktikut u zbulua të ishte më domethënës sesa ai që luan shkrirja e akullnajave.