23 për qind të votave që siguroi të dielën kandidati i Partisë Demokratike (PDK) në Komunën e Vitisë, Bekim Azizi, mund të jenë vendimtare në garën e balotazhit mes Sokol Halitit të Lidhjes Demokratike (LDK) dhe Arsim Ademit të Lëvizjes Vetëvendosje (LVV).
Por, Dega e PDK-së në Viti nuk është pozicionuar ende për garën e raundit të dytë zgjedhor. Nuk ka vendosur as për marrëveshje koalicioni.
“Për momentin jemi pa qëndrim. Ne jemi në fazën e konsultimeve me njerëzit tanë”, ka thënë Bekim Azizi për Paparacin të enjten.
Arsim Ademi i Lëvizjes Vetëvendosje do të garojë në balotazh kundër kryetarit të deritanishëm të Vitisë, Sokol Haliti.
Ademi siguroi 34.85 për qind të votave në raundin e parë të zgjedhjeve lokale të mbajtur të dielën, ndërkaq Haliti arriti të marrë 41.79 për qind të votave.