Të fundit

Hani i Elezit shkon në rivotim, reagon Rufki Suma

Kanidati i pavarur për kryetar të Hanit të Elezit, Rufki Suma, ka reaguar pasi PZAP-ja mori vendim që kjo komunë të shkojë në rivotim.

Suma, të cilit iu pranua ankesa në PZAP se simpatizantët e PDK-së kanë bërë presion mbi qytetarët e Hanit të Elezit që të votojnë këtë subjekt politik, ka thënë se gjatë rivotimit shpreson të mos ketë presione mbi votuesit ashtu siç ndodhi më 17 tetor.

“Është vendim i popullatës se a fitojë apo jo tash në rivotim. Unë vetëm shpresoj që të mos ketë presione dhe ndikim te votuesit”, ka thënë Suma për Koha.net.

Suma tutje deklaroi se kandidati i PDK-së, Mehmet Ballazhi, vizitoi të gjitha vendvotimet e Hanit të Elezit gjatë ditës së zgjedhjeve kinse në cilësinë e shefit të shtabit zgjedhor. Kryetari aktual i kësaj komune potencoi se një gjë e tillë nuk lejohet sipas ligjit.

“Ai vizitoi të gjitha vendvotimet kinse në cilësinë e shefit të shtabit zgjedhor. Sipas ligjit, nuk lejohet që një kandidat për kryetar apo për asamble të vizitojë vendvotimet e tjera, përveç aty ku duhet të votojë vetë”, shtoi tutje Suma.

Në zgjedhjet 17 tetorit, Ballazhi i PDK-së doli fitues me 50.98 për qind të votave të përgjithshme, ndërsa Suma i dyti me 42.47 për qind të votave. Suma është në krye të Hanit të Elezit që nga viti 2007.

Video nga Paradoks

"Sa ma budallë mashkulli ma shumë dhunë", "Fejohen për ni t'shkume n'deti": Valon Syla flet për dhunën ndaj grave, u drejtohet Vjosa Osmanit e Albulena Haxhiut - "Siguria financiare zgjidh shumë sene"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci