Kryetari aktual i Junikut, Ruzhdi Shehu ka premtuar ndërtimin e një palestre sportive gjatë mandatit të dytë.
Realizimi i këtij projekti thuhet se do të kushtojë mbi 300 mijë euro.
Ai ka bërë të ditur se projekti është i gatshëm dhe po presin vetëm implementimin e tij.
“Në mandatin e dytë do të ndërtojmë palestrën e mbyllur sportive. Për këtë projekt do të investojmë mbi 300,000 euro sepse rinia dhe sportistët e Junikut e meritojnë një palestër me standardet e fundit ndërkombëtare. Projektin e detajuar tanimë e kemi të gatshëm dhe në mandatin e dytë mbetet vetëm implementimi. Prandaj urime të gjithve palestra sportive e Junikut. Vazhdojmë +4 pa balotazh”, thuhet në postimin e Shehut në Facebook.